தூக்கம்

தூக்கம், நம் தினசரி வாழ்வில் தவிர்க்க முடியதா ஒரு இயற்கை நிகழ்வு. சரியான, அளவான தூக்கம் எல்லாருக்கும் அவசியம். தூக்கமின்மையே, உடல் பருமன், கோபம், வெறுப்பு, மன அழுத்தம் என்று பல நோய்களுக்கு காரணமாக அமைகிறது என்று ஆராய்ச்சிகள் கூறுகிறன்றன.

நான் இருந்த குடியிருப்பில் தினந்தோறும் இரவு 11 மணிக்கு ஒரு கூர்க்கா விசில் ஊதிக்கொண்டு குடியிருப்பை வளம் வருவார். அந்த விசில் சப்தம் எதோ என் சிறு வயதில் ஒரு வித பயத்தை தந்திருக்கிறது. அந்த விசில் சப்தம் வரும் வரை என்றைக்காவது விழித்திருந்தால்(பள்ளி பருவங்களில் 3 அல்லது 4 முறை மட்டுமே) “கூர்க்காவே வந்துட்டாரு, இன்னும் தூங்கலை” என்று எங்கள் வீட்டில் சொல்வதுண்டு. மேல் வரியை நன்றாக கவனித்தல் நான் சொல்ல வருவது புரியும். “11 மணிக்கு ஒரு கூர்கா”. 11 மணி வரை விழித்திருக்க அனுமதி இல்லாத காலங்கள். காரணம் நல்ல தூக்கத்தின் அவசியம் வீட்டில் அம்மா அப்பாவிற்கு தெரிந்தது தான்.

அது 10, 12 வகுப்பு தேர்வு காலங்களில் கொஞ்சம் மாறுபட ஆரம்பிக்கிறது. நான் பொதுவாக அதிகாலையில் எழுந்து படிக்கும் பழக்கம் உள்ளவன். அதனால் எனக்கு பெரிதும் இது மாற்றப்பட வில்லை. ஆனால் கூர்கா சத்தம் சாதாரணமாக கேட்க துவங்கியது. அனால் பொதுவாக நிறைய நேரம், இரவில் கண் விழித்து படிக்கும் எனது நண்பர்கள் கல்லூரி ஹாஸ்டலில் கண்டதுண்டு. இது தேர்வு நாட்களை தவிர்த்து, பிறரிடம் அரட்டை அடிக்க, தொலைபேசியில் பிரயமானவர்களிடம் இரவில் பேச, லாப்டப்பில் சினிமா பார்க்க, இப்பொழுது ஜியோவில் இரவில் பதிவிறக்கம் செய்ய என்று வந்து நிற்கிறது.

செகண்ட் ஷிஃப்ட், கால் சென்டர் வேலை என்று பலர் சரியான தூக்கமில்லாமல் கஷ்ட்டப்படுகின்றனர். அதனால், அவர்களில் உடலில் ஏற்படும் மாற்றங்கள், மன அழுத்தம், சோர்வு என்று பல பிரச்சனைகளை சந்திக்கின்றனர். இது அவர்களால் தவிர்க்க முடியாத ஒன்று தான். அனால், சாதாரணமாக காலை 9 டு 6 வேலை செய்பவர்களும், தாங்களாகவே இந்த கிணற்றில் குதிக்கின்றனர்.

இக்காலத்தில், இரவில் அதிக நேரம் விழித்து இருக்கிறேன் என்று சொல்வது ஒரு அலாதியான சுகமாக இளைஞர்கள் கருதுவதாக எனக்கு தோன்றுவதுண்டு. “10 மணிக்கு படுக்கைக்கு செல்வேன்” என்று யாராவது சொன்னால் அவனை அந்த குழுமத்தில் ஒரு குழந்தை போல பாவிக்கின்றனர். இதை நீங்கள் உங்கள் நடப்பு வட்டாரத்திலும் கண்காணிக்கக்கூடும். வாட்ஸாப் குழுமத்தின் பேச்சுக்கள் பெரும்பாலும் இரவு 12 மணிக்கு மேல் தான் ஆரம்பிக்கின்றனர். சிறுவர்கள் முதல் பெரியவர்கள் வரை கைபேசியின் வெளிச்சத்தில் தான் இரவை கழிக்கின்றனர். மன அழுத்தங்களை தாண்டி, கண் பார்வை பிரச்சனையும் இதில் அடங்குகிறது. சமூக வலைத்தளங்களில் தேவை இல்லாத நிறைய விஷயங்களை வாசிக்கின்றனர். நிறைய புரளியை நம்புகின்றனர். அதை ஷேர் செய்கின்றனர். புத்தக வாசிப்பு குறைந்து வரும் நிலையில், இந்த கைப்பேசியால் ஒரு தொங்குபாலமாக தான் புத்தகம் ஆடிக்கொண்டு இருக்கிறது.

படுக்கைக்கு செல்லும் போது, நல்ல புத்தங்களை வாசிக்கும் பழக்கம், குழந்தைகளுக்கு கதை சொல்லி தூங்க வைக்கும் பழக்கம் நாளுக்கு நாள் குறைந்து கொண்டே வருகிறது. 5 ஆண்டுகளுக்கு முன்னாள் இதற்க்கு தொலைக்காட்சி பெரும் பங்கு வகித்து கொண்டு இருந்தது. வீட்டில் அனைவரும் படுக்கை அறையில் டிவி முன் படுத்து இருக்க, அது அலறும் சத்தத்தில், அதன் வெளிச்சத்தின் வலியில் கண் இமை மூட நித்திரை கொண்டனர். இப்பொழுது அந்த இடத்தை கைப்பேசி ஆக்கிரமித்துள்ளது.

சரியான தூக்கம், தேவை இல்லாத நோய்களை களையும். மன அமைதி பெரும். அடுத்த நாள் புத்துணர்வோடு உங்கள் நாளை தொடங்கலாம். ஆரோக்கியமான சாப்பாடு, வியர்வை சிந்த சில வேலை அல்லது விளையாட்டு, ஆனந்தமாக நல்ல புத்தகத்தின் 4 பக்கங்கள், குழந்தைகளுக்கு விக்ரமாதித்தன் கதைகள், இப்படி இன்முகத்தோடு சீக்கிரமாக படுக்கைக்கு செல்வோம். ஆரோக்கியமான வாழ்வை வாழ்வோம்.

அன்புடன்,
பிரதீப்

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s